साङकेतिक तस्वीर
झापा । भद्रपुरमा १५ वर्षीया बालिका बलात्कृत भएकी छन् ।
बालिकालाई बलात्कार गरेकाे आराेपमा भद्रपुर- ४ करेला चाेक बस्ने अन्दाजी १९ वर्षीय रमेश लिम्बू पक्राउ परेकाे प्रहरी कार्यालय झापाले जनाएको छ ।
प्रहरीका अनुसार मङगलबार साँझ लिम्बूले साेही ठाउँकी बालिकालाई घर नजिकैको परालमा लगेर जबर्जस्ती करणी गरेका थिए । पीडित बालिकाको आमा नभएकाे र बुबा अन्यत्र बस्दा बालिका आफन्तकाे घरमा बस्दै आएकी थिइन । यता बालिका बलात्कृत भएकाे आफन्तले थाहा पाएपछि प्रहरी कार्यालय झापामा किटानी जाहेरी दिएका छन् । प्रहरीमा जाहेरी परेपछि वडा प्रहरी कार्यालय भद्रपुरबाट खटिएको प्रहरीले लिम्बूलाई बिहीबार पक्राउ गरेको हो । उनलाई आवश्यक कारवाहीका लागि प्रहरी कार्यालय झापामा राखिएको प्रहरीले जनाएकाे छ ।
लोकप्रिय समाचार
